zazpi astoren gainean

Betidanik bidelagun izan dira bertsoa eta sagardotegiak. Gure bertso eskolakook ere ohitura horri eusten diogu eta gure bertso-praktikarako leku aproposagorik ez dagoela sinetsita gaude.
Horregatik, urtero egiten dugu gutxienez afari bat sagardotegian. Aurtengoa (aurtengo lehenengoa) otsailaren 15ean egingo dugu, Aldabako Hipolitonen.
Bertso-urte berriari indartsu ekiteko indarrak hartzeko balioko digu! EARRA BERTSOA!

Aurten ere iritxi da bertso eguna, beste urte batez. Urteko saiorik garrantzitsuenetakoa izango da bertsozale eta bertsolarientzat bertso eguna, garrantzitsuena ez bada.

Sortu eta lehen urteetan, bertsolari zaharrei omenaldia egitea zuen helburu egun honek, bertsolari eguna izena zuelarik. Baina urtea joan eta urtea etorri, helburuak, eguna, festa, bertsoa ulertzeko modua…guztia aldatuz joan zen, eta azkenean bertsozaleon urteko hitzordu garrantzitsuena bihurtu da.

Azken urte hauetan bezala Donostian ospatuko dugu eguna. Parrandazaleenak eguardi parterako joango gara kapitalera, kaleak (eta gu geu) bertsoz bustitzera. Arratsaldeko 18:00n izango da ekitaldi nagusia, Kursaalean, eta ondoren afaria eta festa. Beraz, gonbidatuta zaudete guztiak!!

Doinua: Guretzat berdin dira

Blog berri bat sortu da
amuarrai eran.
Guk zer egingo degu
Zorionak eman!!
Herri izaeradun
blogekin ileran…
Ugartek ja tokia
du Txintxarrisferan.

Astotarra

Ilunbeko, Gipuzkoako finaleko, olatuen aparrean Real Sociedad Gipuzkoako futbol talde eta ikurrak bertako palkora gonbidatu gintuen bertsolari finalistak eta erantsi ginen elkarteko besteren batzuk. Partidua beste mundukoa ez baina errealak irabazi zuen (Teneriferen aurka 2-1) eta palkoa ezagutzeko modukoa. Barra libre edateko, pintxoak, pastelak… dena debalde. Partiduro hala izango da noski, gero gaizki omen ziak ekonomia…
Bueno hori beste kontu baterako. Bukatu eta gero errealaren marketing arduraduna inguratu zitzaigun, emakumea bera… eta erdalduna. Kastillano garbian hasi zitzaigun, ea beti horrela jazten garen, tan informales... Iker Zubeldia etxeko hobenakin etorri zelakoan nahiko harrituta baina tira… arduraduna berotzen hasiko zen nunbait eta perla gehiago bota ere bai Pero… ¿vosotros por ejemplo sembrando patatas soleís ir pensando en rimas? y ¿cuando reñis con la novia, le reñis rimando?
Bertsok jartzeko modukoa. Aitor Sarriegik animatuko zela esan zigun eta Argia aldizkarian argitaratu ditu.
Ea besteren bat animatzen den, eta bertso eskolarako aholkua patata egiterakoan, erritan edo larrutan marketing arduradunarekin… beti errimatzen.

Felix “astotzarra”

Azken urteotan bezela, zazpi astoren gainean bertso eskolak kalendarioa osatzen parte hartu du. Alegiako argazkizaleen taldeak garai bateko Alegiako eta bertako bizimodua azaltzen duten fotografi zaharrak jartzen ditu eta horren inguruan, hilabete bakoitzeko bertso bana jartzen dituzte bertso eskolako kideek. AKO, Alegiako kultur orria, arduratu da egutegiaren osaketaz.

Egutegian baldin badaude ere, hemen bertsoak irakurri nahi dituenarentzat, eta kalendarioa lortu nahi duenak berriz badaki idatzi guri. Ez da derrigorra bertsotan egitea, ezta ondo egitea ere.

2008ko kalendarioko bertsoak

Hor portadan doan argazki bat ere, A.M. Elizalderi esker argazkizaleen taldeak eskuratu duena eta 1945 inguruan ere zahagiardoak egiten zirela erakusten diguna. On egin!

Urte amaiera urtean zehar egindakoaren laburpena egiteko izaten omen da, eta agian guk ere horrelako zerbait egin behar genuke, etorkizunera begira indarrak hartzeko bada ere. Aurten sekula baina ekitaldi gehiago burutu ditugu: bertso-bazkaria, bertso-afariak, bertso-saioak, bertso-paper lehiaketa, bertso poteoa, hainbat ekitalditan parte hartzeko deitu digute, helduen eta haurren bertso-eskolak martxan dira, Gpuntuko finalean ere izan ginen…

Honek guztiak bide onean goazela esan nahi du, baina ezin dugula geldirik geratu. Etorkizunean (hurbilean eta urrunean) izango dira ekintza eta ekitaldi gehiago, beraz adi egon!!

Ondo ai gaittuk ta animo mutillek!!

Urteberrion denoi!!!

Blog batek urtebete
ibili-ibili.
Balerditik eredu
gisa erabili
izan diu, ta bertso
hauxe erregali;
Lortu dekenangatik
Zorionak Txarli!!!

Iritxia behingoz finala!!

3 hilabete ta geo, G puntue klimaxea iritxikoa iganden, eta noski, astotarrak bertan izango gea. Hortako, autobusa antolatu deu, ta 15:45n aterako da Tontokale gaineko autobus geltokia izena duen, baina sekula autobus bat geratu ez den toki horretatik. (Bai, Xantin ferreterin paretik!). Oaindik tokie badao autobuseako, beraz, jun nahi dunak Kultur Etxen apuntatu.

Zatoa, urdaiazpikoa ta antzekoak ongietorrik izango die, beraz, ea batenbat animatzean!! Ondo pasa ta jaiarte!!
Ah, batenbat oaindik enteatu ezpada, hok die zortzi finalistak: Jon Martin, Jon Maia, Aitor Sarriegi, Aitor Mendiluze, Unai Agirre, Jexux Mari Irazu, Iker Zubeldia eta Beñat Gaztelumendi.

Bizi gaitu orainak,
ta bizi atzoak,
nahiz batzutan zeraten
pixkat maltzurtxoak…
Merezi du joateak…
merezi, bertsoak…
Segizue gozatzen
nere astotxoak!!!

Iker

Azti lagunok! Gpuntua gero eta gertuago dago eta bere puntu gorena abenduaren 16an lortuko du, arratsaldeko 17:00tan Donostiako Illunbe zezen-plazan (lasai! Jesulin ez da bertan izango), izan ere, Gipuzkoako bertsolari txapelketaren finala jokatuko da bertan.

Hori dela eta, Zazpi Astoren Gainean bertso-eskolakook, autobusa antolatu dugu (Gora Txindoki ta gora Lukax, Pepi, Ramon eta enparauak!!!). 6 euro balio du bidaia zoragarri hori egiteko txartelak (autobus berden noski! Nun dao atzealden mahaie zeuken autobus zuri-berdea?).
Txartel hauez gain, finalerako sarrerak ere lor ditzakezue Kultur-etxean.
Anbiente ederrean joango gara Donostira! Animatu alegitarrak eta ingurukoak! Nola ez txintxarriesferakoei ere luzatzen diegu dei hau!