zazpi astoren gainean

Urte amaiera urtean zehar egindakoaren laburpena egiteko izaten omen da, eta agian guk ere horrelako zerbait egin behar genuke, etorkizunera begira indarrak hartzeko bada ere. Aurten sekula baina ekitaldi gehiago burutu ditugu: bertso-bazkaria, bertso-afariak, bertso-saioak, bertso-paper lehiaketa, bertso poteoa, hainbat ekitalditan parte hartzeko deitu digute, helduen eta haurren bertso-eskolak martxan dira, Gpuntuko finalean ere izan ginen…

Honek guztiak bide onean goazela esan nahi du, baina ezin dugula geldirik geratu. Etorkizunean (hurbilean eta urrunean) izango dira ekintza eta ekitaldi gehiago, beraz adi egon!!

Ondo ai gaittuk ta animo mutillek!!

Urteberrion denoi!!!

Bizi gaitu orainak,
ta bizi atzoak,
nahiz batzutan zeraten
pixkat maltzurtxoak…
Merezi du joateak…
merezi, bertsoak…
Segizue gozatzen
nere astotxoak!!!

Iker

Azti lagunok! Gpuntua gero eta gertuago dago eta bere puntu gorena abenduaren 16an lortuko du, arratsaldeko 17:00tan Donostiako Illunbe zezen-plazan (lasai! Jesulin ez da bertan izango), izan ere, Gipuzkoako bertsolari txapelketaren finala jokatuko da bertan.

Hori dela eta, Zazpi Astoren Gainean bertso-eskolakook, autobusa antolatu dugu (Gora Txindoki ta gora Lukax, Pepi, Ramon eta enparauak!!!). 6 euro balio du bidaia zoragarri hori egiteko txartelak (autobus berden noski! Nun dao atzealden mahaie zeuken autobus zuri-berdea?).
Txartel hauez gain, finalerako sarrerak ere lor ditzakezue Kultur-etxean.
Anbiente ederrean joango gara Donostira! Animatu alegitarrak eta ingurukoak! Nola ez txintxarriesferakoei ere luzatzen diegu dei hau!

IEPA BERTSO ESKOLAKO HIRU LAGUN GEA Gorka Altuna,Aratz Irazustabarrena eta Julen Venegas. ostiraletan egoten gera Kultur etxean. Kriston gaixki pasatzen deu, baino halare datorren ostiralean jungo gea bestela maixue nearrez hasiko da.

bertso eskolan zenbat
bertso eta arte
irakasle gaiztoa
Iker iriarte
baina alare bertsotan
artzen degu parte
agur Iker bagoaz
ta ostiral arte

argazkik Felixen kontu.Aio

Hemen hiru bihurrien argazkia. Bertso eskolakoak beste egun baten

Ia ahaztuta ote geneuzkan ere… (izan ere hainbeste notizi sortzen ditegu aspaldi hontan).

Xalbador Saria 2007 bertso paper lehiaketako irabazleen berri eman zuten joan den hilabetean, eta zazpiastorengainean taldeko bik aurkeztuak zituzten beraien sortak.
Bi sari ekarri zituzten Alegiara bi anaiek.
Hamasei urtez beheko maila zen eta lehen saria eta bigarren saria lortu zituzten hurrenez hurren Imanol Irazustabarrenak (13 urte) eta Aratz Irazustabarrenak (9 urte)
Hemen daude norbaitek irakurri, eta kantatu noski, nahi baditu.
Zorionak irabazleei eta haber merienda noiz patzeuen !

Imanol Irazustabarrena Xalbador Saria 2007 - lehenengo saria
Aratz Irazustabarrena Xalbador Saria 2007 - bigarren saria

Taldeko batzuk Behobiatik Donostia korrika ai zien bitarten bi langilenak Zaztarre ta ni bertso paperak saltzen aittu ginen plazan azaro kulturaleko azokan.
Larehundik gora bertso paper banatu genittun. Mikrotik e kantatu gendun prestatutakok ta bapatekok.
Hamaiketakoa iteko denbora ere eman zigun. Irabazitako diruk bertso eskolako ekitalditan inbertituko die.
Korrikalarin notizik oso onak izan zien, denek bukatu zuten: Txanpio aurrena eta azkenak Beñat ta Iker, batea allatu omen zien. Puntutan eo…
Eta hori guztia Ostiralen kriston bertso afarie ta batzuk juerga in ta geo. Aje kentzeko modu onena, kirola (korrika, bertsoa,…).
Hurrungo urten gehio.

Doinua: Misiolari baten moduan

Bertso paperak eskutan eta
bertso hitzak mingaiñean
idatzitakok partitu eta
txanpon batzuk ordaiñean.
Behobiatik Donostiraino
besteak ahalegiñean
ziztu bizian, motel, poliki
edo eta eziñean
Hara noraino heldu daiteken
Zazpi astoren gaiñean

Imanol

Hasi da gaztetxoen bertso eskola. Ostiralero izango da eta aurten Kultur Etxean 4:30tan. Iker Iriarte izango da aurten maixu
Beraz animo eta pazientzia astotxotarrekin Iker.
Joan den astean eskolara joan ziren Iker bera, Amaia Agirre eta Imanol Irazustabarrena, eskolaren propaganda egin eta bertsoa zer den azlatzera eta erakustera. Oso ondo aritu ziren.
Beraz animo bertsolari gaztetxoei. Eta gogoratu gure taldearen filosofia; Ondo pasa behar deu, eta bitarten ikasten badeu hobe!

entzun entzun hau bai bertsolari fina

Pozaren pozez gaude, gaurko egunean Zazpi astoren gainean bertso eskolako bloga sortu dugulako. Garaia begenuan. Azkenean. Ufff!

Zorionak denoi!