zazpi astoren gainean

Tontokaletik iritxi zaigun galderari erantzunez, eta aspaldi gure bitakora maitea abandonaturik dugun honetan, udarak ematen duen bizi-pozarekin ea martxa pixkat hartzen dugun.

Egia da Alegiako zinema toki aproposa dela. Baina zertarako? Azken aldian herriko kultur ekintza (ia) denak Kultur Etxean burutzen dira. Lekuz Zinema baina handiagoa da, hau da, jende gehiago sartzen da. Ados nago toki paregabea dela eta erabilera eman behar geniokeela, baina nola? Alegian ba al dago halako kultur eskaintzarik? Filmak? Haurrentzat zerbait? Norbaitek ba al dauka idearen bat?

Bertso-eskolakook gure aldetik aurtengo festetako bertso-saioa bertan antolatu dugu. Sonoridade bikaina dauka, eta festetako eromenetik ihes egiteko toki ederra da. Hantxe ikusiko gara!!!

Bertsolariak: Aitzol Barandiaran, Maialen Lujanbio, Iker Zubeldia, Andoni Egaña

P.D. Ez ahaztu bertsoarentzat egun handia dela igandekoa ere. Bertsotarako beste toki paregabe batean, Bulebarrean noski!!!!. Prestatu Zirko Handia iritxi da eta herrira!!!

Ondo pasa festak eta Bibalabirjen!!!

Bukatu da Gipuzkoako Eskolarteko Bertsolari Txapelketa eta gure bertso eskolako gaztetxoak txalotzeko garaie da. Oso nota altukin bete dituzte jarritako helburuak, Alegiako saioan kantatu zutenak, lasai, azkar eta txukun kantatu zuten. Txikien taldeak ez zuen finalera pasatzea lortu baño ez zen urruti ibiliko eta bada zerbait alegiatik taldea ateratzea bera ere, . Hasi die astotxoak katea askatu eta bere kaxa ibiltzen.
Kultur Etxea lepo bete zen, bai hasieran bertso paperak idaztera etorritakoekin eta gero saioa entzutera bildu zirenekin. Giro paregabea!
Bertso eskolako beste kidek animatzera azaldu ziren pankarta eta guzti… eta ikusi zuten hurrengorako zer egin behar duten. Preparatu eta animo!
Gero Irurako finalak etorriko ziren, eta han Gipuzkoako Eskolarteko 28. bertsolari txapelketan bertsopaperetako irabazle izendatu zuten astotxo alegiar bat, LH 3 eta 4 . mailan.
Aratz Irazustabarrenak jantzi zuen bertan txapela, jantzi zion bere maisu den Iker Iriartek.
Hauxe irabazteko Aratzek idatzi zuen bertsoa. Alegiko Kultur Etxeko saioan idatzi ere. Gaia jarri eta ordu bete izan zuten lanerako.

Gaia. Egun hauetan ez zara telebistaren aurrean eseri
Doinua: Misiolari baten moduan

Egunak joan eta etorri
telebistaren aurrean
Imanol ta ni egoten ginen
salako sofa gainean,
egun batean ama etorri
ta esan zigun bapatean
Telebista hau geldituko da
itzalduta hilabetean…
Play Stacionen ibiliko naiz
lanen dauden bitartean

Maiatzaren 16an Gipuzkoako Eskolarteko bertslari txapelketa jokatuko da Alegian. Arratsaldeko 4:00etatik aurrera Kultur Etxean.
Etxean jokatzen degula eta zazpi astoren gainean bertso eskolako gaztetxoek ateratzea erabaki dute. Eginbeharreko ariketak zeintzuk ziren… ikusi eta entrenatzen hasi beharra zegoen. Hemen bertan grabatutako zati bat, sarean espiak baldin badaude eta beldur eszeniko pixka bat sartzeko edo, gainera ez dakite hemen jarritakoa baño askoz hobeto egiten badakitela…
Ahaztu gabe parte zeinek hartuko duten: Txikien mailan taldeka izaten da, beraz Alegiko taldea Iñaki Artola, Iurgi Goñi eta Aratz Irazustabarrenak osatuko dute, eta aurten haundien mailara pasako da 15-18 urte Imanol Irazustabarrena.
Animo guztiei eta Iker Iriarte irakasleari.
Ariketa, jolasa. Arazo teknikongatik Artolan bertsoa ez da bukatzen, zuek osatu. Proposatutako bukaera onenen artean Eskolarteko saiorako bi sarrera zozketatuko dira. On egin!

Bertso saio bereziak, eta oso earrak portzierto, jartzen hasi geanez, eta aurreko puske hoietan bi maixu azaltzen baziren, hona hemen bi maixu haundiek batera (eta oso batera) botatako bertsoa
Era horretan aprobetxatzen det sarean dagoen beste bertsogune baten proposamena egiteko.

Gurean denak jarri ezin ditugunez hemen bertsoplaza.tv ko aukera berria.
Egunerokotasunean oinarritzen bada ere, (asteko bertso saioak dakazki, tartean astiasuko karakol zopea Beterriko taldekako finalaren barruan. Ikusteko gomendatuta dago hori ere.

Nioen, asteroko bertso saioaz gain atal historiko bat baduela eta hor Egaña eta Sarasuaren bertso hau.
1993an bertsolamintzako topaketa barruan egin zen eta Andoni inprobisatzen ari den bitartean Jonek asmatu eta duoa egingo dio. Gaia Jexux Murua altzotar lagunak jarri zien eta horregaitik bere aipamena.

Bideoa sartu ezinik nabil ba! Arazo teknikoak konpontzen diren bitartean, barkatu eragozpenak, haber linka erantsi eta momentuz balio duen. Behin post bat idatziko eta!!!

Sarasua eta Egaña batera inprobisatzen

Astotzarra

Lehengo astean gure txapeldun haundiaren bideo bat jarri bagenuen, oraingo honetan Jon Sarasua maixuaren bertsokanta batekin gatoz. Berau orain dela urtebete grabatutakoa da Gu Ta Gutarrak taldeak Arrasaten eman zuen kontzertuan.

Sarasua gonbidatu zuten kontzertura eta ez zitzaien damutu, ez horratio!!! Azken urteetan, zoritxarrez, plazaz plazako jardunetik at egonik, bere jarraitzaile garenok horrelako harribitxiekin konformatu behar.

Euskal famatuen munduaren inguruan idatzia da bertsokanta. Ederra benetan. Onena zuok ikustea. Gozatu!!!

Neoastook azken bolada honetan gure bloga ahaztu xamarrik eduki dugula kontuan hartuta, berriro hasi nahi genuke bertsoaren eta bertsozaleon zirrikituak astinduz.

Horretarako, zer egokiagoa Iñigok tontokaletik testuinguru ezin hobeagoan (larunbat iluntzean, txikiteoan, nun bestela?!) emandako aholkuak jarraitzea baino; bertsoaren sekretutxoak txintxarrisferan zehar zabaltzea proposatu zigun.

Lehen ikasgai bezela hemen Andoni Egañak segidilla doinu kubatarrean egin zuen saioa Abadiñoko Gaztetxean. Ea gustoko duzuen, batipat hik Iñigo!!

Bost urte egunkaria itxi zutela, itxi zigutela.
Guardia Zibilak, Espainiako Auzitegi Nazionalaren aginduz, Euskaldunon Egunkaria itxita, bertako kideak , bultzatzaileak atxilotuta, torturak….
Gogoratu nahi ez genukeen baina gogoratu beharreko eguna. Orduko bertsoak ekartzea okurritu zait.
Bertsozale Elkarteak argitaratu eta banatu zituen salaketa eta elkartasuna adierazteko. Izenik gabe argitaratu ziren baina oso oker ez banago Jon Sarasuarenak dira, beraz aipatzeak mereziko du.

1.- Madrilgo estrategia
iritsi da zoro
hitzei hatsa kentzea
harturik metodo
astindu egin gaitu
buru eta gogo
euskararen hauspoan
gabiltzanok oro.
2.- Espero zitekeen,
ez genuen uste
miresten ditugunak
mallatu dituzte
asko mututu eta
denok jo gaituzte
aspaldi ez genuen
ikasi hainbeste.
3.- Itxitako hitzari
nola egin omen?
Nola bildu beretzat
behar beste kemen?
Defentsarik onena
oldartzea omen
aurrerako pausoa
behar dugu hemen.
4.- Lehen ere oihu franko
daukagu entzuna
elkartasun-kexuak
galdu du zentzuna
min honek izan beza
bere oihartzuna
kioskoetan dago
gure erantzuna

Bestelako erantzunak emate aldera, eta epaiketa eta kartzela mehatxua gainean dutela hainbat herritan konzentrazioak egingo dira gaur, 2008.02.20.
Alegian herriko plazan 19:30etan.
Informazio gehiago nahi duenarentzat hemen egunkariko orria. Egin klik.

Egin berri da Martin Ugalde parkean elkartaratzea eta zabaldu dituzte bertan Andoni Egañak bost urte pasa ea gero idatzitako habanerak. Haber hurrengoan ekartzen ditugun
F. astotzarra

Aspaldi hontan kaleberako parketik igaro ohi naizen bakoitzean eztut haurrik ikusten jolasean, kotxeak bakarrik. Nola da posible?!, pentsatu eta bertso-sorta txiki bat idatzi dut. Azpian Kaleberako parkea dioen lekuan klikatu eta listo.

Iker Astotarra

Kaleberako parkea

The is no time for love in the basque country, please extend the solidarity.
Ez dago maitasunerako aukerarik Euskal Herrian, zabaldu elkartasuna.
Herri honetan ere
maitasun aukera
izatea lortuko deu
saiatzen bagera
….

Errimatzen, arrimatzen, animatzen… hasi behar degunez, jarraitu kantari.
aurrera / batera / kalera…

Astotzarra

Betidanik bidelagun izan dira bertsoa eta sagardotegiak. Gure bertso eskolakook ere ohitura horri eusten diogu eta gure bertso-praktikarako leku aproposagorik ez dagoela sinetsita gaude.
Horregatik, urtero egiten dugu gutxienez afari bat sagardotegian. Aurtengoa (aurtengo lehenengoa) otsailaren 15ean egingo dugu, Aldabako Hipolitonen.
Bertso-urte berriari indartsu ekiteko indarrak hartzeko balioko digu! EARRA BERTSOA!